Friday, April 15, 2016

စာသားမဲ့ ချစ်ခြင်း..ရင်တွင်းနဲ့ အမျှ

မောင် အိပ်မောကျနေတဲ့အခါ
ပကတိခလေးလေး..
ဖြူစင်သေးတဲ့ နှလုံးသား..
ကျမ မြတ်နိုးခြင်းများစွာ။

ရင်ခွင်မဲ့ ခလေး..
ကြိုးပြတ်ဖူးတဲ့စွန်ကလေး..
တွယ်ရာမဲ့ ရေမြောပန်းတပွင့်..
ကျမ မောင့်ကိုချစ်တယ်။

မသေချာ မရေရာ..
အနာဂတ်တွေ ယောင်ချာချာပေမဲ့
ရင်ခွင်ထဲ ကအချစ်ဦး..
မောင်တဦးဘဲ ဖြစ်တယ်။

မောင်နဲ့ ကျမရဲ့ ကြား
ပြောစရာမလိုတဲ့ စကား
အပြုံးမှာ..စာ..
မျက်လုံးမှာ..နားလည်မှုကဗျာ..
နှုတ်ခမ်းဖျားက မေတ္တာ
လက်ဖျားမှာ အကြင်နာ

စာသားမဲ့ တဲ့ အချစ်..
ရင်နဲ့အမျှ ခံစားပြီး ချစ်
နှလုံးသားထဲ နင့်
မပြောဘဲ နားလည်
မထိရလည်း ချစ်တယ်။
မနမ်းရလည်း..အသည်းစွဲ.
ဝိညာဉ်ရဲ့ အရိပ်.တွေ ဘယ်မခွဲ

လေပြေထဲမှာ မင်းစကား
တိမ်ယံထဲက အပြုံးများ.
နေရောင်ခြည်ထဲက အနမ်းများ..
ဘယ်လောက် ဒို့ ဝေးနေပေ့စေ…
အသည်းထဲမှာ။ ဒို့ အတူတူနေ။


စုစု

No comments:

 
/* EOT ----------------------------------------- */