ဒီကလေ..မောင့်ကို ချစ်လို့ 

ညည လမင်းကိုကြည့်ရင်း..
သက်ပြင်းတွေ ရှိုက်ရင်း..
ရင်တွင်းနာ တစစ်စစ်..
အလွမ်းဒဏ်ရာ..တနင့်နင့်..
နှလုံးသားမှာ အဖျားတက်တယ်..
မောင်ရယ်..လွမ်းရလွန်းလို့ ..

ပြန်မရမဲ့ နုပျိုရက်တွေနဲ့ အရော်အစား..
တူတူ နေဖို့ နီးလာတဲ့ရက်များ..
မနက်ဖြန်လား သဘက်ခါလား..
မတည်မြဲတဲ့ နောက်တစ်မိနစ်..
အသက်ဆက်ရှင်မယ်ဘဲ..ထင်ထားတယ်..
အချစ်တန်ခိုးများ..စိတ်ခွန်အားကိုပေးတယ်..
မောင်ရယ်…ယုံကြည်လွန်းလို့ ..

တမ်းတတ..နွမ်းလျလျ.
နေလုံး အတက်အကျကို ငေးကြည့်ရင်း..
သန်းကောင်ယံ ကြယ်ကြွေချိန်မှာ ဆုတောင်းရင်း..
ဆွေးမြေ့ နာကြင်ရင်… အပြုံးတွေ ရပ်..
မျက်ရည်မြစ် ရေခဲတောင် ဖြစ်ခဲ့တယ်..
မောင်ရယ်..ဆုံဖို့ ခက်လို့ 

မေ့ မရ သူ့ မျက်နှာကို..
ဖတ်စာ လို အလွတ်ကျက်..
သက်ပြင်းသဲ့သဲ့သံကို…
အမြဲကြားယောင်လျှက်.
ဒီတညလည်း အိပ်ရေးပျက်ဦးတော့မယ်..
ဒီကလေ…ချစ်လွန်လွန်းလို့ ..မောင်

စုစု

ရှင်သန်ခြင်း အတိနဲ့  မနက်ဖြန်…

မြူမှုန်မနက်ခင်း..
ဆောင်းရနံ့ သင်းလေ..
ပွေ့ ဖက်လာတဲ့..အအေး..
ချစ်သူ မျက်နှာလေးကို လွမ်းတယ်။

အိပ်မပျော်ည များစွာ
စောစောနိူးထ မနက်ခင်း များစွာ..
အိမ်မက်ဆိုး မက်တဲ့ အခိုက်..
တယုတယ လက်များရဲ့ အလယ်
ချစ်သူ ရင်ခွင်ထဲမှာ..တရေးနိုးချင်တယ်။

အသက်ရှုပြင်းပြင်း..
ချစ်သူရင်ခုန်သံ ကလေး ကြားချင်တယ်။
ပြန်အိပ်ဖို့  သူချော့သိပ်မှာ သေချာတယ်။
အာရုဏ်ဦးအနမ်း..ချိုမြိန်မှာသေချာတယ်။
ချစ်သူ..ကိုယ့် ကို တကယ်မြတ်နိူးတာ..သေချာတယ်။

သေချာတာက..
တနေ့ အတူတူ နေကြဖို့ 
မရေရာ တာက..မမြဲတဲ့တရား..
ချစ်သူ က ကမ္ဘာ့တဖက်ဖျား..
ခုများတော့ ..
အိမ်မက်များသာ..ဖြေသိမ့် ရာ..
မျှော်လင့်တယ်..ဒီမိုးယံအောက်
တနေ့ နေ့  တွေ့ ကြမယ်..
ယုံကြည်ထားတယ်..
မောင် ဘယ်တော့မှ သူ မညာ။

မနက်ခင်းနေခြည်နဲ့  အချစ်ကိုမြီးစမ်းခြင်း.

သန်းခေါင်ည.
မှိန်ပြပြ ကြယ်ခေါင်မိုး..
စိန်ကတ္တီပါ ဖြိုးဖျတဲ့ကောင်းကင်
ဝေရီရီ နဂါးငွေ့ တန်း
အမှောင်လမ်းက စောင့်နေတယ်..
မနက်ဖြန်ရယ်..ဘယ်ဆီမှာလဲ…

ညပန်း ရနံ့ 
မှုန် သန့် သန့် မှာ..
ပုရစ်သံ သဲ့သဲ့..
အမှောင်ရဲ့ နရီ…
အထီးကျန်ဆန်လွန်းသည်။

ရွေ့လျှား ညလေပြေ..
ညင်သာ ဆော့ကစား..
ပါးပြင်နား ဆီ..
နမ်းရှိုက်နေသည်။

ဒီတည..အချိန်ကာလ..
ရှည်ကြာပါလှ..
ရောင်နီစ တွေ..
လျှံကျမဲ့ မနက်ခင်း..
ပန်းဖူးတွေ နိုးထမဲ့ မနက်ခင်း
စောင့်ရသူ နွမ်းနှင့်ပြီ။

အရှေ့ ဖျားဆီ ..
အမှောင်ဇာ ဖျော့ဖျော့ မှာ..
ရွေရည်ဖြာနော့နော့ ဖြာယှက်.
ပုဇွန်ဆီ..မနက် နေခြည် ပေါ့
ပန်းသင်းလေ နဲ့
လိပ်ပြာတွေ ကခုန်မဲ့ အာရုဏ်သီချင်း..
မနက်ဖြန်.အတွက်..
အချစ်ကို ခစားရင်း..
သူ့ ရင်ခွင်ထက်..
ကိုယ်...မျက်နှာလေးဝှက်ချင်တယ်။

ရင်မဆန့် အလွမ်း…

ညညတိုင်း မှာ တွေ့ တယ်…
ချစ်သူရဲ့ မျက်နှာလေး အိမ်မက်ထဲ..

ချစ်သူ့ ရနံ့ ကိုရ တယ်…
ညမှာသွေးတဲ့ လေပြေတွေထဲ..

ပြူတင်းပေါက် ဇာခန်းစီးက တဖျတ်ဖျတ်..
ချစ်သူကို လွမ်းမိ..ရင်တွေ တလှပ်လှပ်

တရေးနိုးချိန်..လူးလွန့် ..
ချစ်သူမရှိတဲ့ အခါ စိုးရွံ့ 

ကောင်းကင်ပေါ်က အေးစက်နေတဲ့လ
ရင်ခွင်နွေးမရှိ..ဒီကရဲ့...အဖော်မဲ့ ည..

ညဌက်ကလေးတွေ အော်မြည်
ချစ်သူရယ်…တယောက်ထဲမို့ ကိုယ်လွမ်းမိသည်။

မျှော်လင့်ပါသည်..။
မကြာခင်မှာ..ဆုံဆည်းကြဖို့ ..

လွမ်းရတဲ့ အချိန်များ..
အရည်ပျော်…နှင်းလို ပျောက်ပါစေသား..

အိမ်မက်တူတူ..ည

အထီးကျန်..အိမ်ပျက်ညတွေထဲ..
သူလေ..အနားမှာရှိတယ်..
ချိုိညင်သာ ကြင်နာတဲ့ စကားများ...
သန်းခေါင်ကျော်ညနဲ့ အတူ..
ဖြေသိမ့်တတ်သူ…

မောပမ်းစွာလျှောက်လှမ်းတဲ့ ခရီးကြမ်းရဲ့..
အားလျှော့ပြိုလဲည တွေမှာ
သူလေ..အနားမှာရှိတယ်..
ပျော့ပြောင်းတဲ့ လက်ချောင်းတွေနဲ့ ..
“ ဘာမှ မပူပါနဲ့ .. မောင် အနားမှာရှိပါတယ် ”
သူ က ကျောပွတ် ချော့သိပ်အိပ်စေတယ်.

တဦးထဲ တ၀က်ထဲရှိတဲ့ ဘ၀..
သူက ပြည့်စုံစေတတ်သူ..
နားလည်ဆုံး..ခွင့်လွှတ်.
အဆုံးဆုံးရက်တွေ ဖြတ်ကျော်အားပေးခဲ့သူ..

ချစ်တယ်မောင်..
ချစ်မြတ်နိုးမှကလွဲ ဘာမှ မလိုဖူး..
သန်းခေါင်ညတွေ ထဲ..
တိုးတီးသံ သဲ့သဲ့..
ရင်ခုန်သံလေး ယဲ့ယဲ့.
အနားမှာဘဲနေပေးပါ..
လင်းရောင်နီ နဲ့ မနက်ဖြန်အတွက်..
ဒီတညလည်း မအိပ်ဘဲ စောင့်မယ်..

ငယ်သွေးကလေး...မစင့်တစင်..

တနေ့ ကုန်တဲ့နေ၀န်း..
ပင်လယ်ထဲ ရေသောက်ဆင်းရင်..
မောင်နဲ့ တူတူနေမဲ့ ရက်တရက်..
ပိုနီးလာပြန်ပြီ..

အပျိုမလို..ရှက်သွေးဖြန်း..
မောင်နမ်းတဲ့အခါ..
ကျမ ရှက်မှာ..သေချာတယ်..
ရှက်စနိုး..မောင့်ရင်ခွင်ထဲ တိုးချင်တယ်။
ဟွန်း...မောင်မရီ ရဖူးနော်...

စုစု

မှုန်တရေးရေး..ချစ်သူလေး၏ မျက်နှာ..

မဟူရာည..
ကြယ်ခြုံစောင်ကိုလွှမ်းလို့  အိပ်တဲ့အခါ.
ပုရစ်မြည်သံက လွဲ
ပကတိတိတ်ဆိတ်ဆဲ..
တိမ်စင်လ.
မဲနယ်ရောင်မိ်ုးသားပေါ်မေးတင်တဲ့အခါ
ရောင်စဉ်ဖြာ..ငွေရည်ကြဲ
ရှက်စနိူးလေး မရဲတရဲ

နေကြာဝါ၀ါ..နေခြည်ရမှ မွှေး
ကုမုဒြာကြာ..လရောင်နမ်းမှ ဖွေး
ချစ်သူရဲ့ မျက်နှာ.. လမင်းပေါ်ရေးရေး..
ဒီတညလည်း ကိုယ်တကိုယ်ထဲ..
လွမ်းလိုက်တာ ချစ်သူရယ်..
မင်း ဘယ်မှာလည်း.......

သူနဲ့ သာဆို..

မောင်ရေ..
ခေါ်သွားမလား..
တိတ်ဆိတ်ငြိမ်သက်..
မြစိမ်းရောင် တောအုပ်ကြားမှာ
သွင်သွင်စီး..စမ်းချောင်းလေးဘေးမှာ..
တူတူ ဒို့ နှစ်ယောက်..
ခြေရာဖျောက်ချင်တယ်..
ကဲ့ရဲ့ အတင်းဆိုသူတွေ မရှိဖူး..
မျက်လုံးစိမ်း အကြည့်တွေ မရိုင်းဖူး..

အစိမ်းရောင်မြက်ခင်းပေါ်
လဲလျှောင်းရင်း..
လေပွေမှာဝဲတဲ့ သစ်ရွက်ကြွေတွေ ရေတွက်ရင်း...
ကြည်နူးစရာ့ ချစ်သူမျက်လုံးလေးတွေ..
ချိုကြည်တဲ့ ရယ်သံလေးတွေ..
စမ်းချောင်းရေစီးသလို သာယာတယ်..

ချစ်သူရဲ့..
အပြစ်ကင်းတဲ့ သိုးကလေးရဲ့နူးညံ့တဲ့ အကြည့်..
အချစ်အရသာ ပျားရည်ချိူအတိ
ပတ်ဝန်းကျင်ရဲ့ အဆိပ်ခတ်မှုမရှိဖူး..

ခေါ်သွားပါနော်..
တူတူ သာဆို နှစ်ယောက်ထဲ..
ဘယ်သူမှ မရှိတဲ့ အဝေးတနေရာ..
ချစ်သူရင်ခွင်သည်သာ..ခိုနားရာပေါ့..
ဒီကလေ လိုက်ခဲ့မယ်နော့

မျှော်လင့်ချက်မျှင်တစ်ခုနဲ့  ညပေါင်းများစွာကို ကျော်ဖြတ်ခြင်း..

လောကဓံရဲ့ ရိုက်ပုတ်တဲ့ လှိုင်းထဲ..
အနေကြာခဲ့ပြီ..
သစ်ခေါက်တွေလို အပွေးတက်..
ဒဏ်ရာတွေ လည်း ကျက်ခဲ့ပြီ..

သန်းခေါင်ယံ အိပ်ရေးပျက်.
ယမ်းယောင်နိူးထတိုင်း..
ပြင်မရ..တခြမ်းပျက်နေတဲ့ ဘ၀..
ပြန်သတိမရအောင် ချုပ်တီးရင်း..
အချစ်ဆိုတဲ့ အခါးရောတဲ့ ပျားရည်..
ငုံမိတိုင်း ပြန်ထွေးထုတ်မိတဲ့ သူ..

အချစ်ဆိုတာ..အင်အားတစ်ရပ်..
ချစ်သူ ရဲ့ အနားမှာ..နေချင်သူချည်းပါဘဲ.
မယုံဝံ့ ယုံဝံ့
နောက်ဆုံးမှာ အကောင်းဆုံးတော့ မျှော်လင့်
ချစ်သူ ရဲ့ မြတ်နိူးမှု တစ်ရပ်..
မရဖူးခဲ့တဲ့..ဆုလာဒ်..
ဒီလောက် ကံကောင်းပါ့မလား…
ဒါ အိမ်မက်များလား..
ပျားရည်မြစ်ပေါ်ချော်လဲခဲ့သူ..
ချစ်သူရဲ့ အချစ်က ပြန်ထူခဲ့တယ်..
နိဒါန်းမကောင်းသော်လည်း…
နိဂုံးတော့ ကောင်းတတ်ပါသေးတယ်..

သာမန်လူသာ အကောင်းဆုံး

မြေသျှိုးမိုးပျံ..အစွမ်းထက်တဲ့ သူရဲကောင်းကို
ကျမ မလိုပါဖူး
မိမိ အပေါ်သစ္စာတည်ကြည်မဲ့
သာမန် ယောက်ျားကောင်းဘဲ လိုချင်တယ်။

ဥစ္စာ စည်းစိမ် ဓန ရွှေမှုန်ကြဲဘ၀..
ရှင်ဘုရင်ကတော် လည်း မဖြစ်ချင်ဖူး..
လင်တစ်ထမ်း..မယားတစ်ရွက်..
ဒိုးတူဘောင်ဘက် အဖေါ်ကောင်းဘဲ လိုတယ်။

သူ လဲတဲ့ အခါ ထူမဲ့ ကျမလက်..
ကျမ လဲတဲ့အခါ ကမ်းပေးမဲ့သူ့ လက်..
သူ စိတ်အားငယ်ရင် ဖြေသိမ့်မဲ့ ကျမ.
ကျမ ငိုရင်..ထွေးသိမ့် မဲ့ သူ့ ပုခုံးတဖက်
အချစ်သည်သာ
ဘ၀အတွက် ထာဝရအသက်ပေါ့..
သာမန်လူသာ ကျမအတွက် အကောင်းဆုံး..
ကျမ လိုတာ အသက်ထက်ဆုံးပေါင်းမဲ့သူ။

စုစု

ဘ၀ရဲ့ အဖော်

အားမငယ်နဲ့ 
မုန်တိုင်းတွေ ထဲမှာ ကျမ အတူရှိတယ်..
လက်ကလေးတွေ မြဲမြဲတွဲ..
မိုးသည်းစဲမဲ့ အထိတိုင်

မငိုပါနဲ့ 
မောင်ဝမ်းနည်းပူဆွေးတဲ့ အချိန်မှာ ကျမ ဒီမှာရှိတယ်..
ပါးပြင်လေးကို အသာပွတ်သပ်..
မျက်ရည်ရပ်တဲ့ အထိတိုင်

မကြောက်ပါနဲ့ 
အမှောင်လမ်းဖြတ်နေဆဲ အနားမှာ ကျမရှိတယ်..
ဖေးမ ကူပို့ ..
မနက်ဖြန်တွေ မိုးသောက်စို့ ။

ခေါ်မလား..ခေါ်ဘူးလား..ကဲ..ပြော

လူဆိုတာ ကတောက်ကဆ..
တခါတလေ ရန်ဖြစ်ကြ..
ကိစ္စမရှိဖူး..
အချိုဆုံးဘဲ ပြုံးပြပါ..
ခွင့်လွှတ်မယ်..ချစ်တာဘဲ။

လူဆိုတာ အလိုမကျ..
တခါတလေ..မျက်ထားညိုကြ
ကိစ္စမရှိဖူး..
ညင်သာဆုံးဘဲ နမ်းချော့ပါ..
ခွင့်လွှတ်မယ်..ချစ်တာဘဲ။

သူကြိုက်တာအဖြူ
ကိုယ်ကြိုက်တာအမည်း.
နှစ်သက်ရာ ကိုယ်စီ
လွတ်လပ်စွာ ကိုယ့်စည်းနဲ့  နေနိူင်ပါသည်။

အသွင်မတူသူ နှစ်ယောက်..
အတွေးမတူသူ နှစ်ယောက်..
နေရာတိုင်း ချွတ်စွပ်မတူနိူင်ဖူး.
မှားသူက ပြန်ချော့..
ရန်ုဖြစ်ပြီးလည်း ပြန်ချစ်ပေါ့။

ဘာမှ ကိစ္စမရှိ..
အချစ်နဲ့ တွေ့ တဲ့အခါ..
မတွေ့ ရရင် သာ ကိစ္စရှိ..
ဒီကရင်ထဲ လွမ်းလှပြီ..
မျက်နှာဆူ..သူဘဲဟန်လုပ်တတ်သည်။

ကလူနေ မူမနေနဲ့ 
ခေါ်မယ်ဆို
မြန်မြန် လက်ကိုနှိပ်…
ကြာနေရင်..
ပုဇွန်ဆီ ဆိပ်ဆိပ်..
ဟွန်း..မောင်ရင်လာရင် တံခါးပိတ်မယ်။

စုစု

တူတူပျော်ရမယ့် သင်္ကြန်

သတိတရစိတ်တွေက ဖျောက်ဖျက်မရ
အလွမ်းရင်အပြည့် ချော့သိပ်မရ
ဒီအချိန်ဆို လွမ်းလိုက်တာ..
သင်္ကြန်ကျပြီမောင်…

သင်္ကြန်ရေစိုစို..
အင်းယားရေကို ကျမ ကြိုက်တယ်

တကယ်ဘဲ ခွဲမရ နိုင်တဲ့ ချစ်သူ..
မျှော်လင့်ချက် ပင်လယ်
တနေ့ မှာ အတူတူ ပြန်ရဖို့ 
ရွှေတိဂုံ တူတူဖူးစို့ ..
ရန်ကုန် သင်္ကြန်ရေထဲ တူတူနွဲဖို့ ..

အ၀ါရောင် ပိတောက်ဖူး..
ကျမ ပန်ဖို့ ခူးခဲ့မှာလား မောင်…

ထပ်ပြန်တိုးနဲ့  အချစ်..မင်းဖို့ ဘဲဖြစ်တယ်။

မနက်ခင်း နေခြည်တွေ ကြား
သတိရခြင်းတွေ က
နှင်းလို အရည်မပျော်ဖူး။
အလွမ်းတရ နဲ့  ရောင်နီမှာ
ဌက်ကလေးလိုသာ ပျံသန်းချင်တယ်..
ချစ်သူရှိတဲ့ နေရာ..
ကိုယ်အရောက်လာ

ဆည်းဆာ လရောင်ခြည်ဝါး.
ကြယ်တွေ ကြွေတဲ့ အချိန်.
လေပြေအလာ အလွမ်းတွေ က
ဆောင်တော်ကူးပန်းနံ့ လို မြောမပါသွားဖူး
ရာသီတွေ ပြောင်းလဲ ခိုင်မာသော အချစ်
မင်းမှ မင်းဘဲဖြစ်တယ်။

အဝေးဆုံးနေရာက ချစ်သူနှစ်ဦး
အသံလှိုင်းတွေကြားထဲ ရင်ခုန်ဖူးတယ်
တယ်လီဖုန်းထဲ က
အမှတ်တရ အနမ်းတွေ

ရေးပြီး မှတ်ထား..မောင်
တေးပြီး မှတ်ထား..မောင်
မေ့ မရတဲ့ အလွမ်းညကဋ္ဋေ
တွေ့ ခါမှ ဘဲ အကြွေးဆပ်ပါရစေ။

ကာရံညှိဆဲ..သံစဉ်ချို

ဒီနေ့ ည..
လပြည့်ည..
ကန်ရေပြင်ပေါ်ကို..
မှန်ကြည့်နေတဲ့
လရဲ့ အလှ..
ကဗျာဆန်တဲ့ ည။

ရေပြေ အတိုက်မှာ..
လှိုင်းရဲ့ခြေရာ.. တဖြတ်ဖြတ်.
လရောင်က လင်းလှပ်လှပ်..
ရင်ခုန်သံတွေ မရပ်သ၍
လွမ်းနေဆဲ..
ချစ်သူရဲ့ မျက်လုံးအကြည့်တွေ

သက်ပြင်းသံသဲ့သဲ့
လှပတဲ့ အိမ်မက် ရဲ့ အချိန်တွေ..
ခြစား သလို တရွေ့ ရွေ့ပျောက်.
တစ်ရက်ပြီး တစ်ရက်
အသက်နံပါတ်တွေ
အထက်ရောက်ရောက် လာဆဲ..
နီးရေးက ဝေးနေသေးတယ်..
လွမ်းတာလေးနဲ့ ဘဲ ဖြေနေရသေးတယ်။
ချစ်တာလေးနဲ့ ဘဲ မျှော်လင့်ရသေးတယ်။
မနက်ဖြန်..ရဲ့ မနက်ဖြန်များစွာ..
သံစဉ်ချိူတွေ ညှိဖို့ ရာ။

အိမ်မက် ပန်းဖူးငုံ

အိပ်မက်ကလေးတွေကို ယုံကြည်တယ်
တနေ့ မှာ ဒို့ တတွေတွေ့ မယ်..

ကြယ်ကြွေ မဲမှောင်ည.
တူတူ ပုန်းတဲ့ လ..
နှေးကွေးတဲ့ နာရီ တပတ်ကို..
ရင်မောစွာစောင့်စားရင်း
ညဌက်တို့ ရယ်
ချစ်သူကို ပြောပေးပါ..စောင့်နေတယ်။

အနောက်ပင်လယ်ကျ..နေမင်း.
ရက်တစ်ရက်စီ ဖြုန်းတီးရင်း..
ရင် ပလာရက်တွေ ဖြည့်ဆီးဖို့ 
အကြင်နာဆေးရောင်စုံတွေ စုထားတယ်
နေလုံးကြီးရယ်..
ချစ်သူကို ပြောပါ..ကျမစိတ်ရှည်ပါတယ်။

ပျော်ရာနဲ့ တော်ရာ
အဖော်မဲ့ စွာ ဘ၀ကို ကျော်ဖြတ်နေရပေမဲ့
ဒီ မှောင်မဲတဲ့ ဂူအထွက်လမ်း..
ချစ်သူက ပန်း ကမ်းမဲ့ လူ..

ဘ၀အမောတွေအတွက်.ရက်ရေတွက်လို့
ကြောင့်ကြမှုတွေပြေစေမဲ့
အလိုချင်ဆုံး တောင့်တမိတဲ့ချစ်သူ
သူကလည်းပြောတယ် လွမ်းနေတယ်တဲ့

နေခြည်နူတွေ သာမဲ့ မနက်ဖြန်မနက်..
ကြယ်တွေ ငိုနေရာက မျက်ရည်သုတ်မဲ့ ရက်.
ပေါက်ကွဲ မတတ် ထိန်းထားရတဲ့ အလွမ်း..
မောင့်ကို ဖြေးဖြေးလေး နမ်းချင်တယ်။
ခဏလောက်ဖြစ်ဖြစ် ရင်ခွင်ထဲပစ်လှဲ
ရှက်ပြုံးလေးဘဲ ပြုံးပါရစေ။

မနက်ဖြန်လေပြေ..နုးညံ့နေတယ်…
မျှော်လင့်ချက်ဟာ..အပြစ်မဲ့တယ်။
မောင့် အချစ်ကို ယုံကြည်တယ်..
တနေ့ သူ ပြန်လာလိမ့်မယ်။.

စုစု

မြေပြင်ကြောကို ချူံ့ နေကြသူများ

တောင်ကမ်းပါးယံတောတန်း..
တအားဟစ်အော်ပြီးခေါ်လိုက်တယ်…
“ မောင်ရယ်…
လွမ်းလိုက်တာ…”

ပဲ့တင်သံသာ ပြန်လာခဲ့ ခြေရာ
ချစ်သူရယ် ကြားပါ့မလား.

ပင်လယ်သောင်ပြင်ထက်
တအားဟစ်အော်ပြီး ပြောလိုက်တယ်…
“ မောင်ရယ်…
လွမ်းလိုက်တာ…”

လှိုင်းပုတ်သံသာ ပြန်လာခဲ့ မရေမရာ
ချစ်သူရယ် ကြားပါရဲ့လား.

တိမ်ဝေဟင်ထက်
တအားဟစ်အော်ပြီး ပြောလိုက်တယ်…
“ မောင်ရယ်…
လွမ်းလိုက်တာ…”

လေအလာမှာ လွင့်ပါးတဲ့ တိမ်သလ္လာ
ချစ်သူရယ် ကြားမယ်မထင်ဖူး..

ကွန်ပြူတာ ဖွင့်ပြီး
တိုးတိုးလေးပြောလိုက်တယ်
“ မောင်ရယ်…
လွမ်းလိုက်တာ…”

ပြန်ပြောတဲ့ တီးတိုးသံ
မောင်လည်းလွမ်းနေတယ်တဲ့
ကျေးဇူးတင်ပါရဲ့ ဂရေဟမ်ရယ်..
ဒို့ တတွေ..လွမ်းလွန်လွန်းလို့ပါ စုစု

မမျှော်လင့်ထားသော မျှော်လင့်ထားတဲ့ ချစ်သူ

အမြဲတမ်း အိမ်မက်တွေထဲမက်နေကျ
ဝိုးတဝါးမျက်နှာရှင် ဟာ..
သူ လို့  တခါမှ မယုံကြည်မိဖူး..
အမှန်ကတော့ သူ ဘဲဖြစ်တယ်..

အပျော်ရွှင်နဲ့  နိဂုံးချုပ်မဲ့ပုံပြင်
လက်ကမ်းမဲ့ လက်တစုံရှင်ဟာ..
သူ လို့  တခါမှ မယုံကြည်မိဖူး..
အမှန်ကတော့ သူ ဘဲဖြစ်တယ်..

မျှော်လင့်ချက်ရဲ့ အဆုံး
မြတ်နိူးခြင်းနဲ့ မျက်လုံးရှင်ဟာ
သူ လို့  တခါမှ မယုံကြည်မိဖူး..
အမှန်ကတော့ သူ ဘဲဖြစ်တယ်..

ကိုယ်ကြိုက်တာ ဒါမျိုးမဟုတ်ဖူး..
သံသယတွေ နဲ့ ပေမဲ့
နှလုံးသားရဲ့ ခြေရာနောက်..
တကောက်ကောက်လိုက်ကြည့်မိတဲ့အခါ
ပျော်ရွှင်ခြင်းအတိ..နားလည်စွမ်းရှိသူ
အမှန်ကတော့ သူ ဘဲဖြစ်တယ်..

ဘ၀ ရင်တခြမ်းထဲ..
မောင်ပါမှ ဘဲပြည့်စုံတယ်..
ကဲ…ယုံကြည်မှာလား မောင်..

ရင်ခုန်သံများရဲ့ လားရာတဖက်ဆီ..

ကြယ်ရောင်မှေးအောက်..
လင်းတောက်တဲ့ မျက်လုံးတစ်စုံ..
ညင်သာထွေးပွေ့ ..
ကြည်မွေ့ တဲ့ အတွေ့ ..
ဖဲသားလို နူးညံ့တဲ့ အနမ်း..
ဆောင်းလေသရမ်းတွေထဲ..
အမှတ်တရ..
မောဟိုက်ရင်ထဲ..ဖို

ချိုနေတဲ့ လ..
ရှက်သွေးပြယ် ည..
မိုးတိမ်စမှာ…

ရယ်နေတဲ့ ပင်လယ်..
ကမ်းကို ပုတ်တဲ့ လှိုင်းရယ်.
စိုနေတဲ့ သဲပြင်သား..
ကမ်းခြေတခုရဲ့ ညများ..

ပန်းချီဆေးမသီ
ကဗျာရေးမမီ
ကာရံတေးမညီ..
ဗုံသံလို ရိုင်းသည့်..
ရင်ခုန်သံ ပိုင်ရှင်များ..
ညများ၏ အခြားတဖက်..
နေ့ သစ်အတွက် အဖြေရှာ..
ရင်ခုန်သံတို့ ရဲ့ လားရာတစ်ဖက်..
အိမ်မက်ကလေးရှိတယ်..

လာ...တူတူမက်ကြစို့ ..
မနက်ဖြန်များစွာသို့ …

သိင်္ဂါရသ၏ ဝေဒနာ..

နာကြင်မှုကြောင့်တံခါးပိတ်
တိုးတိုးတိတ်တိတ် အိပ်တဲ့အချိန်..
ဘယ်သူလာတံခါးခေါက်ခေါက်..
မဖွင့်ပါဖူးရယ်..ချတဲ့ သံဓိဌာန်..

ညင်သာစွာထွင်းဖောက်..
လရောင်လို မင်းရောက်ခဲ့တယ်..
ပန်းရနံ့ တွေ လို..ခြေဗွေပေါက်..
နှိုးဆွတဲ့..အလွမ်းရယ်..
သံကွန်ခြာတွေ..အရေပျော်ခြင်း..
ယုံကြည်မှု ပကတိ..
ယုံမှားခြင်းမရှိ..
ချစ်ခြင်း၏ အဓိပ္ပါယ်..
တိမ်ခိုးခြေရာပေါ် ဝေ့လည်လည်..

ဖျတ်ကနဲသတိ..
သိလိုက်တာက..
မင်းက..နက်ရှိုင်းစွာ..
ရင်တွင်းရဲ့တနေရာ..

တားမရတဲ့ရေစီး..
နှလုံးသားက ငိုငြီး..
သူမှ သူဘဲဆိုပြီး..
လက်မခံချင်လည်း..
လက်ခံလိုက်တယ်..
ကိုယ်လေ  ချစ်သွားပြီ..